एकात्मिक बाल विकास सेवा योजनेच्या वतीने तारापूर पोफरण येथे भव्य महिला मेळावा संपन्न

सांस्कृतिक व सामाजिक उपक्रमांवर भर
कार्यक्रमाच्या वेळी सेविकांनी पथनाट्याद्वारे स्त्रीभ्रूणहत्या थांबवण्याबाबत जनजागृती केली, तर बालकांनी सांस्कृतिक कार्यक्रम सादर करून उत्सवाला रंगत आणली. पाककृती व रांगोळी स्पर्धेच्या माध्यमातून आहार व योजनांबाबत जनजागृती करण्यात आली. गरोदर व स्तनदा मातांसाठी बाळंत विड्याचे वाटप व त्याबाबत सविस्तर माहिती देण्यात आली.
महिलांनी आरोग्यदायी पोषणयुक्त पदार्थांचे प्रदर्शन भरवले, तर स्थानिक वारसा जपण्यासाठी पारंपरिक तारपा नृत्याचे आयोजन करण्यात आले.
कार्यक्रमाचे नियोजन गौरी गोविंद धांगडा व रत्नमाला गायकवाड यांनी केले, तर सूत्रसंचालन व आभार प्रदर्शन निशिदा संखे व मनस्वी पाटील यांनी केले. यावेळी सहभागी महिलांना व बालकांना बक्षिसे देऊन गौरविण्यात आले.