पालघर पोलीस दल पुन्हा अव्वल! महाराष्ट्रात ७ कलमी कार्यक्रमात प्रथम क्रमांक
**७ कलमी कार्यक्रमाची प्रभावी अंमलबजावणी**
मुख्यमंत्र्यांच्या ७ कलमी कार्यक्रमात वेबसाईट अद्ययावतीकरण, सुकर जीवनमान, स्वच्छता, तक्रार निवारण, कार्यालयीन सुविधा, आर्थिक व औद्योगिक गुंतवणुकीस प्रोत्साहन आणि क्षेत्रीय कार्यालयांना भेटी यांचा समावेश आहे. पालघर पोलीस दलाने या सर्व बाबींवर नाविन्यपूर्ण उपक्रम राबवले. यात **अद्ययावत User-Friendly वेबसाईट**, **चॅट बॉक्स सुविधा**, **सायबर सुरक्षित पालघर मोहीम**, **AI-आधारित चॅट बॉट**, **स्वच्छता मोहीम**, **तक्रार निवारण दिन**, **ई-ऑफिस कार्यप्रणाली**, **व्हिजिटर मॅनेजमेंट सिस्टम**, **AI चा कार्यालयीन कामकाजात वापर** आणि **थर्ड आय अॅप्लिकेशनद्वारे पेट्रोलिंगवर देखरेख** यांचा समावेश आहे.
**लोकाभिमुख आणि गतिमान प्रशासन**
पालघर पोलीस दलाने पोलीस प्रशासनाला अधिक लोकाभिमुख आणि गतिमान बनवण्यासाठी अथक प्रयत्न केले. या यशाचे श्रेय पालघरचे पोलीस अधीक्षक मा. श्री. बाळासाहेब पाटील, अपर पोलीस अधीक्षक मा. श्री. विनायक नरळे, सर्व उपविभागीय पोलीस अधिकारी, पोलीस ठाणे प्रभारी आणि अंमलदार यांच्या मार्गदर्शन आणि परिश्रमाला जाते.
**राज्यातील ३४ जिल्ह्यांमधून पालघर अव्वल**
राज्यातील ३४ जिल्हा पोलीस दलांमधून पालघरने सातत्याने उत्कृष्ट कामगिरी करत प्रथम क्रमांक मिळवला आहे. हे यश पालघर पोलीस दलाच्या कार्यक्षमता आणि नागरिकांच्या सेवेसाठीच्या समर्पणाचे द्योतक आहे.
पालघर पोलीस दलाच्या या यशाबद्दल सर्व स्तरांतून कौतुक होत असून, यापुढेही असेच उत्कृष्ट कार्य सुरू राहील, असा विश्वास व्यक्त केला जात आहे.