🏃‍♂️ राष्ट्रीय एकता दिनानिमित्त तारापूर पोलिसांकडून एकता दौडचे आयोजन

फिरोज खान /प्रतिनिधी
पालघर जिल्हा पोलीस दल आणि तारापूर पोलीस स्टेशन यांच्या संयुक्त विद्यमाने सरदार वल्लभभाई पटेल यांच्या 150 व्या जयंतीनिमित्त “राष्ट्रीय एकता दिवस” साजरा करण्यात येणार आहे.
या निमित्ताने दिनांक 31 ऑक्टोबर 2025 रोजी सकाळी 7.30 वाजता पाचमार्ग नाका ते 12 हजारी व परत पाचमार्ग नाका या मार्गावर 5 किमी एकता दौड / वॉक आयोजित करण्यात आली आहे.

सर्व नागरिक, ग्रामस्थ आणि मान्यवरांना या उपक्रमात मोठ्या संख्येने सहभागी होऊन राष्ट्रीय एकतेचा संदेश देण्याचे आवाहन करण्यात आले आहे.

या स्पर्धेत पुरुष गट, महिला गट आणि 40+ गटासाठी मेडल आणि ट्रॉफीचे बक्षिसे ठेवण्यात आले आहेत.

या कार्यक्रमाचे आयोजन सपोनि निवास कणसे (इन्चार्ज, तारापूर पोलीस स्टेशन) व पोलीस हवालदार मनोज अंभीरे (तारापूर पोलीस स्टेशन) यांच्या मार्गदर्शनाखाली करण्यात आले आहे.